وجوه نسائية مشرفة
مناقشة وحوار: منى عبد اللطيف
وجوه نسائية مشرفة
في البداية بنرحب بحضرتك
١- عرفينا بنفسك: اسمك ؟ مؤهلاتك ؟ مجال عملك؟
نسمه ناصر الجمل الشهيره (اوشه)
خريجه كليه تجاره إدارة أعمال
مدربه لياقه بدانيه وصاحبه osha fitness club
وعضو مجلس إدارة نادي هواة الصيد تحت السن، وأمين مساعد حزب الشعب الجمهوري ببورفؤاد
٢- لو هتختصري فلسفتك في الحياة في جملة هتكون إيه ؟
قليل من الجهد والعمل تحقق كل ما تتمناه
٣- إيه العقبات اللي قابلتيها في مجالك؟
قلة الإمكانيات وقلة معرفة الناس بأهمية الرياضة
٤- إيه الموقف أو المرحلة اللي وقفتي مع نفسك فيها وقلتي لأ أنا لازم اتغير ؟
لما قررت أفتح مكان شغل لنفسى
٥- إيه الدافع اللي خلاكي تدخلي مجال عملك وإيه الإنجازات اللي حققتيها فيه؟
حبى وشغفى للرياضه منذ الصغر وبحب أساعد الناس بأى طريقة للوصول لهدفهم
٦- راضية عن نفسك دلوقتي ؟
جداً الحمد لله
٧- لو هتغيري حاجة عملتيها في بداية مشوارك هتكون إيه ؟
عمرى ما أشتغل عند حد وأضيع مجهودى وتعبى
٨- بتحلمي بإيه؟ وياترى حلمك ده ممكن الحدوث ولا مستحيل؟ ولو ممكن فحققتيه بنسبة كام في المئة ؟
أصبح أشهر مدربة فى مصر، سهله بإذن الله
٩- مين ملهمينك؟
أمى وأبى وأصحابي
١٠- البعض يحاول أن يصبح صورة من قدوته هل تعتقدي إن ده شيء صحي أم لا ؟ والسبب؟
أنا مش بقتنع بده لأن كل إنسان فى الدنيا ليه ظروفه الخاصه
١١- امتى بتحسي إنك أنجزتي عملك وراضية عنه؟
لما بشوف رضى الناس وفرحتهم بالى بيحققوه
١٢- مستنية إيه من بلدك او من جمهورك؟
ديما بستنى الدعم
١٣- شايفة الوسط الرياضي حالياً إزاي ؟
شايفه كل الناس بقو مدربين وفاهمين
لكن للأسف قليل أوى اللى دارس وفاهم
١٤- حاسة إنك بتاخدي حقك والدعم الكافي ولا لأ مع توضيح السبب؟
للأسف لأ لأن إمكانياتي بسيطة جداً
١٥- إيه الرسالة اللي حابة توصليها للناس من خلال حديثنا؟
الناس لازم تعرف وتتعلم وتفهم هل المدرب ده فعلاً فاهم ودارس ولا لأ
١٦- اسألي نفسك سؤال كنتي تتمني اسألهولك وجاوبي عليه.
انتى الوقت فين وبتعملى إيه ؟
أنا الوقت فى السعوديه فى مجال جديد وممتع (مدربه لياقه بدانيه )لفريق نادى ابها للسيدات
١٧- قولي كلمة أخيرة لاختتام الحوار.
بشكرك جداً على الفرصة دى بجد وبشكرك لثقتك فيا ودعمك ❤️
